Radio Isangano yavutse ku bufatanye bwa Leta y’u Rwanda na Leta zunze ubumwe z’Amerika muri gahunda igamije gushyigikira imiyoborere myiza binyuze mu guha abaturage ijambo. Radiyo Isangano yakomotse ku cyifuzo cy’igihe kirekire cy’abaturage batuye mu karere ka Karongi bayisabye bashingiye ku kamaro bumvaga yabagirira ko kubavana mu bwigunge buterwa no kuba nta Radiyo zindi zari zikunze kuhumvikana kubera imiterere y’imisozi miremire iranga aho baherereye. Mu mwaka wa 2010 ni bwo inkunga yo gushyira mu bikorwa icyari inzozi yaje kuboneka maze ku bufatanye bw’Ishyirahamwe Isangano rihagarariye inyungu z’abatuye i Karongi muri iyi gahunda hamwe na IREX yari ihagarariye Leta zunze ubumwe z’Amerika bashyira mu bikorwa ishingwa rya Radio Isangano bifashishije abakozi babimenyereye .